Friday, June 4, 2010

ကို ... ပျော်ပါစေ ...


မချစ်ခဲ့တာ မဟုတ်ဘူး
မချစ်တတ်တာပါ။
ဂရုမစိုက်တာ မဟုတ်ဘူး
နားလည်ပေးခဲ့တာပါ။
သ၀န်မတိုခဲ့တာ မဟုတ်ဘူး
ငြိုငြင်မှာ စိုးခဲ့တာပါ။
အလေးမထားတာ မဟုတ်ဘူး
မြိုသိပ်ခဲ့တာပါ။

အလေ့အကျင့် ဖြစ်နေခဲ့တဲ့
ဆန့်ကျင်ဘက်စိတ်နဲ့ ငါ
နင့်စိတ်တိုင်းကျ ပုံစံဖြစ်အောင်
လေ့ကျင့်နေချိန်မှာ
နင်က ထားရစ်ခဲ့တော့အလဲလဲအပြိုပြိုနဲ့
ရင်ပွင့်မတတ် ကြေကွဲနေခဲ့ရတယ်။

တချိန်လုံး အနိုင်ယူခဲ့တဲ့ငါ
နင်ကအနိုင်နဲ့ ပိုင်းသွားတဲ့အခါ
အရှူံးကို ရင်မဆိုင်ရဲ
တယောက်တည်း ကြေကွဲ
ရင်ကွဲကျန်ခဲ့ရတယ်။

ကောက်ရိုးတမျှင်စာတောင်
ဖေးကူပေးမဲ့သူမရှိ
ပို့ခဲ့ဖူးတဲ့ message တွေဖတ်ပြီး
အတိတ်ကို လွမ်းခဲ့ရတယ်။

အလွမ်းဆိုတာ မသိခဲ့တဲ့ ငါ့ကို
အလွမ်းအကြောင်း နားလည်အောင်
လက်တွေ့သင်ပေးခဲ့တာလား ?
အချစ်ခံခဲ့ရတဲ့ ငါ့ကို
အချစ်ငတ်သူတွေရဲ့အကြောင်း သိတတ်အောင်
နင် သင်ပေးခဲ့တာလား ?
အောက်မကျို့တတ်တဲ့ ငါ့ကို
အစွယ်ကျိုးအောင်
ချိုးခဲ့တာလား ?
အထီးမကျန်ဖူးတဲ့ ငါ့ကို
တယောက်တည်းနေဖူးအောင်
ညွှန်ပြပေးခဲ့တာလား ?
မျက်ရည်ကို အလွဲသုံးစားလုပ်တတ်တဲ့ ငါ့ကို
နေရာတကျ အသုံးချတတ်အောင်
သင်ပေးခဲ့တာလား ?
နင်ရက်စက်ခဲ့လို့
ငါ ကြေကွဲကျန်ခဲ့ရတာကို သိရရင်
နင်တကယ်ပျော်မှာလား ?
နင်နဲ့ ပတ်သတ်သမျှ
တခုပြီးတခု စဉ်းစားပြီး
မိနစ်တိုင်း ကြေကွဲနေရတယ်ဆိုရင်
နင်ကျေနပ်ပြီလား ?

ဒါဆိုရင်တော့
ဒီအဖြစ်ဆိုးမျိုး
နောင်ဘ၀မှာ မခံစားရအောင်
ဝဋ်ကြွေးကျေအောင် ဆပ်ခဲ့မယ်
"ကို...ပျော်ပါစေ"

အလင်းနစ်

Posted by Anonymous at 12:54 AM
Labels:

No comments:

Post a Comment

Subscribe to: Post Comments (Atom)