(၁)
အချစ်ဆိုတာ
တခါတလေ ယစ်မူးစေသလောက်
တခါတလေကျ ကဗျာတပုဒ်လောက်တောင်
အသုံးမကျဘူး !
(၂)
အတ္တကင်းတဲ့ မေတ္တာဆိုတာ
မျက်ရည်မကျွေးဘဲနဲ့
ဘယ်မှာများ ရနိုင်လို့လဲ ?
(၃)
ညီမျှတဲ့ ချစ်ခြင်း
စစ်မခင်းဘဲ ရချင်တယ် ။
(၄)
မွန်းကျပ်မှုကို
ဘောင်ခတ်ပြီးနေရတဲ့ ဘ၀
ကိုယ့်ကိုကိုယ်
အဆိပ်ကျွေးသတ်နေသလိုပဲ ။
(၅)
ငါ့ရဲ့ကောင်းကင်
ငါ့ကို လွတ်လပ်ခြင်းနဲ့
မျှော်လင့်ချက် တစုံသာ
ထောက်ပံ့ပါ
ငါ
အသင့်ဆီ
အရောက်လှမ်းခဲ့ပါ့မယ်
ငါ့ နောက်တော့
ဘယ်သူမှ လိုက်မလာပါစေနဲ့...
ငါ တယောက်တည်း . . .
ငါ တယောက်တည်း . . .
ငါ တယောက် . . .
ငါ . . .
(ရှင်ထိပ်ထား)
No comments:
Post a Comment